Un luogo, un dialetto, una poesia: “La piassa”

Piassa Erbe l’è na veciota che, ogni giorno, la nàsse nova.
La g’à la facia chieta, nobile, sponsàda, paciocona.
La pàr na regina a la bona che no la vol corone in testa gnanca quando l’è festa. L’è vestida de storia, de merleto, de ciacole, de schìti de colombo. Grisi i cavei ma sangue caldo e rosso come le fraghe, come le sirese, come l’anguria, nel cor de l’agosto. Ecola qua Madona Piassa Erbe: La soride, sentada sora i secoli, co l’ocio fresco, tra le rughe antiche na sporta in man e sensa la corona, come na regina a la bona.
Tolo da Re